我努力地將眼淚抺去,叫自己不要再哭

我忘記了昨晚,哭了多久,用了多少的紙巾....心情真係好難受,好痛!

直到今日要返工,突然腦海又浮現你,眼淚又來了

還要我強顏歡笑去面對別人,內心難受極,你有否想過我的感受?

你做這樣的決定,真的覺得我會得到開心嗎?

我想告訴你,這樣更加令我傷心

我沒有埋怨過甚麼,有你才可以得到一點歡笑,你知道嗎?

我們是否要終結,你可以告訴我嗎?但我想繼續走下去

我曾經幻想過我們有很多的將來

恐怕日後沒有可能發生了.

其實我已經習慣了在深夜打電話給你,聽聽你的聲音

但從此不會再有人煩住你訓了,你可以好好地訓

今晚放工,又想起你,想對你說我好掛住你,我此終放唔低

但我答應過你的!

不會每晚要你囉嗦叫我早D訓,

不會要你再擔心我的安危

不會再麻煩你接我放工

不會再聽到一個傻傻的女仔,說一些無謂說話

很多的曾經不會再出現.....

沒有你的日子,我會努力學習單獨一個

你所做的決定我會接受

只要你明白有個傻傻的人愛過您

呵呵...今日好得閒^^

唔知點解今日心情特別好.好開心!!

突然間個人無曬壓力咁._.好free,,,我依架黎種,究竟係咩狀態呢?

難道我有病嗎???定係我好hea呢-3-

今日接觸電腦既時間係最多+_+

黎2日夜晚開左d菊花茶飲,飲完個人好舒服 :)

話說之前訓得唔好,幸好時間讓我慢慢習慣---遠離不開心

壓力過後,反而好想出去玩!!快d到下個月啦~

今個月真係好忙,要處理屋企d事,又要處理學習上,又要處理其他小問題 唉~累!

今日就讓我輕鬆一下吧!

在一個無助的環境下,可以怎樣

選擇逃避?還是在自欺欺人

當一個人累了,別想有放棄的念頭

行到累了,別想休息過後,才想上路

我們都清楚知道自己所選擇的方向

但卻...沒有努力地去爭取結果

最終,只有半途而廢,這樣會否有點可惜呢?

既然上天讓你得到這個機會,卻為何不好好地珍惜呢!

就算全世界的人都是反對的

也要堅持自己的信念

因你有權選擇自己的人生

不要輕易被人操控

不要害怕,努力地去刻服

天氣真係寒冷+﹏+要我離開暖暖既被窩,真係有點兒困難

今日要我冒住天寒地凍既天氣,,10點就彈起身,陪我母親大人出街-_-

我可以選擇唔去,但係想一想,又好似無乜時間陪過佢出去

我地出左去荃灣,好冷清的感覺=v=是太早?還是太凍?

食完個lunch,之後我地係公園坐左好耐....

係我細個成日會去既地方:)

黎個公園好大的^^自從搬左之後都無再去lu~

今日竟然又再踏入黎個公園時,原來已經變左好多!!

比以前更加美觀,更加的熱鬧

兩母女,不知傾了有多少的心聲,多少的陳年舊事

我地實在太耐未試過痛痛快快地傾過了

此終都要和它說再見,得閒再回去走走

在回家路上買了這個吃-v-在寒冬的天氣吃真好!!

原來我變了,身邊的一切比我變得更快

落左成日雨,正如我心情一樣

前幾日都唔係咁開心,心情都未平伏到

點知今日同媽媽開大戰/口\

今日吵得真係好勁,我相信隔離屋d人都聽到我地吵

我亦到好少會煩燥到咁x_X

我真係唔想同佢吵,但我已經忍唔住,.原本我自己係房裡面,,面壁思過中

我都已經愈想愈煩,愈想就愈唔開心

點知房出面,無啦啦聽到佢係度咆哮,我都唔知發生咩事

聽清楚d,原來佢鬧緊老豆,,佢地2個吵,我原本係唔應該理會的

但我愈聽佢講個d說話就愈火,我連續聽到佢講一句說話

令到我眼火爆,講d說話簡直令人刺骨

我終於忍唔全,要同佢開火

吵完之後.....我估唔到自己竟然返左入房喊

眼淚不斷湧出黎

想打電話搵人傾訴,但我d眼淚還是止不到

仿佛講不出說話來,一切既不開心,都化在眼淚裡

原來只有眼淚才明白我感受.

喊左出黎,個人終於舒服左.晚飯都無胃口食

滿身都是傷痕,,,,哭過.痛過.鬧過.還是要獨自去面對

一切一切都埋藏在心裡,不感再提起